کِسی بھی طور سے گرچہ بِتالی زندگی ہم نے
Poet: Azra Naz By: Azra Naz, Reading UKکِسی بھی طور سے گرچہ بِتالی زندگی ہم نے
ہمیشہ ہی کمی محسوس کی پر آپ کی ہم نے
کیۓ تھے قید دونوں مٹھیوں میں یاد کے جگنو
یونہی اطراف میں کر لی تھی اپنے روشنی ہم نے
جہاں کے ساتھ چلنا ہم کو آیا ہی نہیں شاید
جہاں سو رنگ بدلا پر نہ چھوڑی سادگی ہم نے
وہ کہتے ہیں کہ پانے کے لیۓ کھونا بھی پڑتا ہے
بہت کچھ کھو کے پالی ہے متاعِ شاعری ہم نے
کہاں معلوم تھا کہ عمر کم ہوتی ہے خوشیوں کی
خوشی پایٔ تو تھی لیکن کبھی برتی نہ تھی ہم نے
زمانہ ہو گیا تجھ کو ہمارا اِمتحاں لیتے
بگاڑا ہے تمہارا کیا بھلا اے زندگی ہم نے ؟
ہمیں کہتے ہیں سب تنہا مگر تنہا نہیں ہیں ہم
بہت دیکھے ہیں اس دنیا میں تنہا اور بھی ہم نے
Rate it: 
Views: 527
24 Dec, 2012
More Life Poetry
ہر کام کا وقت مقرر ہے ہر کام کو وقت پہ ہونا ہے ہر کام کا وقت مقرر ہے ہر کام کو وقت پہ ہونا ہے
کس بات کی آخر جلدی ہے کس بات کا پھر یہ رونا ہے
دنیا کے مصائب جھیلنے کو مالک نے بنایا ہے جیون
آرام بھلا پھر کاہے کا پھر کاہے یہ سونا ہے
بے مقصد جینا کہتے ہیں حیوان کے جیسا جینے کو
انساں کے لیے تو یہ جیون یارو پر خار بچھونا ہے
دشوار سہی رستہ لیکن چلنا ہے ہمیں منزل کی طرف
منزل کی طلب میں عاکفؔ جی کچھ پانا ہے کچھ کھونا ہے
کس بات کی آخر جلدی ہے کس بات کا پھر یہ رونا ہے
دنیا کے مصائب جھیلنے کو مالک نے بنایا ہے جیون
آرام بھلا پھر کاہے کا پھر کاہے یہ سونا ہے
بے مقصد جینا کہتے ہیں حیوان کے جیسا جینے کو
انساں کے لیے تو یہ جیون یارو پر خار بچھونا ہے
دشوار سہی رستہ لیکن چلنا ہے ہمیں منزل کی طرف
منزل کی طلب میں عاکفؔ جی کچھ پانا ہے کچھ کھونا ہے
اسلم
