کھلے پھول تو بہار دکھلا گئے

کھلے پھول تو بہار دکھلا گئے
درد صدیوں کے سوئی جگا گئے

چھپا رکھے تھے جو زمانے سے
نکلے آنسو تو پردہ اٹھا گئے

کہا ، کچھ تو فرمائیے حضور
مسکرائے اور غزل میری سنا گئے

سایہ بھی ساتھ چھوڑ گیا اپنا
جہاں بھی گئے ہم تنہا گئے

نکلے جب بھی ، محفل یار سے
لئے ساتھ اپنے ، آہ و بکا گئے

جیسے بھی ہو سکا ، ہم سے
مرتے مرتے بھی وعدہ نبھا گئے

وقت رخصت ہی مل جائے طاہر
کرتے دنیا سے یہی دعا گئے