گریب دی دھی
Poet: maqsood hasni By: maqsood hasni, kasurگریب دی دھی دے سر توں
سگناں دی چنی کھس کے
کہندا پھردا اے
ساڈے ہوندیاں
کمزور دا حق
کوئ کھس کے تاں دسے
ماں دیاں سدھراں نوں
بےخوری دی قبرے لاہ کے
پیو دی پگ دے دونویں پلو
قانون دا اچا شملا
اپوں اپنے ناں لایا سو
وریاں پہلے
دھی دی چنی دے راکھے دی پگ
جہڑے ٹہنے نال بنی سی
اوہ ٹہنا
ویراں دے
گل دا پھایا بنیا اے
گریب دی دھی
کل وی
سر توں ننگی سی
اج وی سر توں ننگی اے
Rate it: 
Views: 389
29 Jan, 2014
More Life Poetry
