گھر واپس جب آؤ گے

گھر واپس جب آؤ گے تم کیا دیکھو گے کیا پاؤ گے
کون کہے گا تم بن ساجن یہ نگری سنسان
بن دستک دروازہ گم سم بن آہٹ دہلیز
سونے چاند کو تکتے تکتے راہیں پڑگئیں ماند
کون کہے گا تم بن ساجن کیسے کٹے دن رات
ساون کے سو رنگ ڈھلے او ڈوب گئی برسات
کون کہے گا تم بن ساجن یہ نگری سنسان
پل جیسے پتھر بن جائیں گھڑیاں جیسے ناگ
دن نکلے تو شام نہ آئے آئے تو کہرام
گھر واپس جب آؤ گے تم کیا دیکھو گے کیا پاؤ گے