ہم تمھیں بھلا بھی نہیں پاتے

 سنو اے ہمدم!
مجھے تم سے کچھ کہنا ہے
تم ایسے اچھے نہیں لگتے
کچھ روٹھے روٹھے سے
کچھ بدلے بدلے سے
کچھ ناراض ناراض سے
کچھ اکھڑے اکھڑے سے
کچھ دور دور سے،کچھ اجنبی سے
تم یوں اچھے نہیں لگتے
مانا ہم ہیں بے وفا بہت
ہم میں ہے انا بھی بہت
ہم وہ عہد نبھا نہیں پاتے
وہ فاصلے مٹا نہیں پاتے
ہم تمھیں منا بھی نہیں پاتے
دل میں ہو جو وہ بتا نہیں پاتے
پر یہ بھی سچ ہے کہ ،جانے کیوں
ہم تمھیں بھلا بھی نہیں پاتے