یہ جہاں جنت بنا سکتے ہیں ہم

یہ جہاں جنت بنا سکتے ہیں ہم
ہو مقدم گر ہمیں سب کی خوشی

ہر طرف نفرت کی ہے آلودگی
آؤ الفت کی شجر کاری کریں
آدمی اب آدمی سے نہ لڑے
ایسا کچھ کرنے کی تیاری کریں

یہ جہاں جنت بنا سکتے ہیں ہم
ہو مقدم گر ہمیں سب کی خوشی

ہو امن تو زندگی ہے گلستاں
اور جنگوں سے ہے صحرا زندگی
دوستی سے ہے نشاط زیست اور
دشمنی سے مستقل آزردگی

یہ جہان جنت بنا سکتے ہیں ہم
ہو مقدم گر ہمیں سب کی خوشی