یہ رُکے رُکے سے آنسو ۔۔۔۔۔ یہ دبی دبی سی آہیں

یہ رُکے رُکے سے آنسو ۔۔۔۔۔ یہ دبی دبی سی آہیں
یونہی کب تلک خدایا ۔۔۔۔۔ غم زندگی نباہیں

کہیں ظلمتوں میں گِہر کر ۔۔۔۔۔ ہے تلاشِ دستِ رہبر
کہیں جگمگا اُٹھی ہیں ۔۔۔۔۔ مرے نقشِ پا سے راہیں

ترے خانماں خرابوں ۔۔۔۔۔ کا چمن کوئی نہ صحرا
یہ جہاں بھی بیٹھ جائیں ۔۔۔۔۔ وہیں اِن کی بارگاہیں

کبھی جادہِ طلب سے ۔۔۔۔۔ جو پھرا ہوں دل شکستہ
تری آرزو نے ہنس کر ۔۔۔۔۔ وہیں ڈال دی ہیں بانہیں

مرے عہد میں نہیں ہے ۔۔۔۔۔۔ یہ نشانِ سر بلندی
یہ رنگے ہوئے عمامے ۔۔۔۔۔ یہ جھکی جھکی کُلاہیں