یہ وہ شیشہ نہیں

یہ وہ شیشہ نہیں جو ٹوٹے زخم کھانے سے
کہ صبر رہا ہے میری ڈھال ایک زمانے سے

خاک ہونا ہے مجھے راہ وفا میں ایک دن
مجھے کوئی نہ روکے یہ قدم اٹھانے سے

راہ در راہ بھٹکنا میرا مقدر ٹھہر چکا ہے
مجھے نہ روکئے اگلا قدم بڑھانے سے

تمہاری صورت آنکھوں میں لئے پھرتے ہیں
تاکہ تم دل میں سما جاؤ اسی بہانے سے

اپنی تلاش میں ہر گام سے گزرتے رہے
اسی تلاش میں گم ہو چلے زمنے سے

مجھے دکھ دے کے جو ہر بار مسکرایا ہے
ہوا ہے آج پرسکوں وہ میرے مسکرانےسے

ایک مدت ہوئی اس ساتھ کو چھوٹے عظمٰی
اب ملاقات کے دعوے لگیں پرانے سے