بچیوں کے منفرد عربی نام، جو پاکستان میں بھی ہیں بےحد مقبول

بچے ہر گھر کی رونق تصور کیے جاتے ہیں۔ یہ کسی بھی جوڑے کے لیے اللہ کی طرف سے بہترین تحفہ ہوتا ہے۔ آج کل بچوں کے اتنے زیادہ منفرد اور خوبصورت نام سننے کو ملتے ہیں کہ والدین کے لیے منتخب کرنا مشکل ہوجاتا ہے کہ کون سا نام رکھا جائے۔ ماں باپ کی یہ کوشش ہوتی ہے کہ کوئی پرانا یا بڑا سا نام اپنے بچوں کا نہ رکھیں کیونکہ یہ اولڈ فیشن سمجھا جاتا ہے۔ بچوں کے نام کئی زبانوں میں رکھے جاتے ہیں، جن میں اردو، عربی، فارسی، اور ترکی زبان کے نام سرِ فہرست ہیں

آج ہم آپ کو بچیوں کے عربی زبان کے چند وہ نام بتائیں گے جو سننے میں اچھے لگتے ہیں، ان کا مطلب بہترین ہے اور جو پاکستان میں کافی مقبول بھی ہیں

1: نائلہ  Naila

نائلہ عربی زبان کا نام ہے جو کہ پاکستان میں بہت مقبول ہے۔ یہ نام چھوٹا ہے اور لوگ اس کے مطلب کو انتہائی پسند کرتے ہیں۔ نائلہ کے معنی ہیں 'حاصل کرنے والی، مکمل کرنے والی، کامیاب ترین'۔

2: منسا  Minsa

منسا ایک مختصر اور منفرد نام ہے۔ یہ بھی عربی زبان کا نام ہے جس کے معنی 'امن اور سکون' ہیں۔

3: انشرہ  Ansharah

انشرہ بھی عربی زبان کا چھوٹا اور منفرد نام ہے۔ لوگ اس نام کو بے حد پسند کرتے ہیں کیونکہ ایک تو یہ عربی زبان کا ہے اور منفرد بھی ہے، دوسرا اس نام کا مطلب بھی اچھا ہے۔ انشرہ کے معنی ہیں 'سرور اور خوشی'۔

4: مشعل  Mashal

مشعل عربی زبان کا لفظ ہے جبکہ یہ نام پاکستان مین کافی مقبول ہے۔ کئی والدین نے اپنی بیٹیوں کا نام مشعل رکھا۔ مشعل کے معنی 'قندیل، روشنی اور شمع' ہیں۔

5: مصباح   Misbah

مصباح بھی عربی زبان کا نام ہے، اس نام کی خاص بات یہ ہے کہ یہ لڑکیوں کا تو ہوتا ہی ہے لیکن کچھ والدین اپنے بیٹوں کا نام بھی مصباح رکھتے ہیں۔ پاکستان کرکٹ ٹیم کے سابق کپتان مصباح الحق سے تو ہم سب واقف ہیں۔ مصباح کے معنی ہیں 'چراغ'۔

6: عنایہ  Anaya

عنایہ ایک انتہائی خوبصورت، چھوٹا اور منفرد نام ہے جس کا تعلق عربی زبان سے ہے۔ عنایہ نام کئی والدین نے اپنی بیٹیوں کو دیا جس کا مطلب 'عنایت کیا گیا' یعنی 'تحفہ' کے ہیں۔

7:  زائرہ  Zaira

زائرہ بھی عربی زبان کا ایک منفرد نام ہے۔ اس کے معنی ہیں 'زیارت کرنے والی، دیدار کرنے والی'۔

8: عشال   Eshaal

عشال عربی زبان کا لفظ ہے، جو کہ 'جنت میں ایک پھول' کا نام ہے۔ یہ نام چھوٹا اور بولنے میں اچھا ہے۔

9: حمنہ  Hamna

حمنہ ناصرف پاکستان میں عربی زبان کا مقبول ترین نام ہے بلکہ عرب ممالک میں والدین یہ نام اپنی بچیوں کا بڑی تعداد میں رکھتے ہیں۔ یہ نام 'ام المومنین حضرت زینبؒ بنت حجش کی ہمشیرہ کا نام' بھی تھا، جس کے معنی ہیں 'انتہائی سمجھ دار اور ذہین'۔

10: حنا  Hina

حنا بھی عربی زبان کا منفرد ترین نام ہے۔ حنا کے معنی ہیں 'مسرت، ساتھی، رحم دل'

11: صلہ   Silah

صلہ پاکستان میں مقبول ترین نام ہے جس کا تعلق عربی زبان سے ہے۔ اس کے معنی 'انعام، تحفہ' کے ہیں۔

12: سمیعہ  Samia

سمیعہ بھی عربی زبان کا چھوٹا سا نام ہے۔ سمیعہ کے معنی اس کے نام سے ہی پتہ چلتے ہیں۔ اس نام کے معنی ہیں 'سماعت کی قوت، سننے کی طاقت'۔

13: نبیہہ  Nabiha

نبیہہ بھی عربی زبان کا نام ہے۔ اس نام کے معنی ہیں 'عاقل، ذہین، عقل مند'