عامر ! آباد کرنے والا ۔۔ چند مشہور شخصیات کے ناموں میں چھپے دلچسپ راز

 
 ہماری ویب ڈاٹ کام آج آپ کو چند مشہور ناموں کے بارے میں بتائے گی۔

   ٭ نواز:
  ن سے شروع ہونے والا یہ نام عربی زبان کا لفظ ہے جس کے معنی ہیں عنایت کرنے والا۔ نواز لفظ پاکستان اور بھارت میں کافی مقبول ہے۔ جبکہ ان ناموں والے افراد کا لکی نمبر 1 ہوتا ہے۔ پاکستان میں میاں نواز شریف، بھارت میں اداکار نواز الدین صدیقی کافی مشہور ہیں۔

  ٭ عمران:
   عمران نام بھی عربی زبان کا لفظ ہے، جس کے معنی ہیں خوشحالی، خوشی، سر بلند قوم۔ جبکہ اس نام کے افراد کا لکی نمبر 1 ہوتا ہے۔ ایسے کئی نام ہیں جو کہ مشہور ہیں جیسے کہ سابق وزیر اعظم اور کرکٹر عمران خان، اداکار عمران خان، عمران ہاشمی۔ اسی طرح سابق وزیر اعظم عمران خان ہیں جن کے نام کی طرح ان کی زندگی میں بھی خوشحالی ہے۔ جبکہ وہ جب حکمرانی میں آئے تو ملک میں اچھائی کی امید پیدا ہوئی۔ 

  ٭ مریم:
 ​  مریم نام عربی زبان کا لفظ ہے، جس کے معنی ہیں پاک دامن دوشیزہ، جبکہ لکی نمبر ہے 2۔  پاکستان میں بھی کئی مشہور شخصیات ہیں کا نام مریم ہے۔ جیسے کہ مریم نواز، مریم مختار شہید، مریم اورنگزیب۔ اپنے نام کی طرح مشہور ان خواتین نے سب کی توجہ بھی حاصل کی اور اعلیٰ عہدوں پر بھی رہیں۔

   ٭ عامر:
  عامر نام بھی عربی زبان کا لفظ ہے، جس کے معنی ہیں بھرا ہوا، آباد کرنے والا۔ جبکہ لکی نمبر ہے 5۔  عامر نام کے افراد بھی کافی مشہور ہیں، جیسے کہ پاکستان میں عامر لیاقت حسین، بھارتی اداکار عامر خان۔ عامر لیاقت حسین کا نام بھی ان کی زندگی پر اثر انداز ہوا، انہوں نے بھی پاکستانی میڈیا میں ایک نئی دنیا آباد کر دی تھی۔

  ٭ فاطمہ:
   فاطمہ نام کو کون نہیں جانتا ہے، آقائے دو جہاں ﷺ کی سب سے پیاری بیٹی کا نام ہے۔ فاطمہ نام بھی عربی زبان کا لفظ ہے جس کے معنی ہیں پاکیزہ، پرہیز کرنا، سحر انگیز۔ فاطمہ نام کا لکی نمبر 9 ہے۔ فاطمہ نام مسلمانوں میں کافی مقبول نام ہے۔ پاکستان میں مشہور خواتین میں فاطمہ جناح، اداکارہ فاطہ آفندی، فاطمہ بھٹو شامل ہیں۔ ان میں سے کئی فاطمہ جناح کی شخصیت ایسی تھیں جو کہ لوگوں پر سحر طاری کرتی تھی۔

 ٭ علی:
  علی نام اسلام میں کافی مقبول نام ہے، آقائے دو جہاں ﷺ کی سب سے چہیتی بیٹی حضرت فاطمہ کے شوہر اور آقائے دو جہاں ﷺ کے داماد حضرت علی، علی نام کی مقبولیت اسلام میں اسی وجہ سے ہے۔ علی نام عربی زبان کا لفظ ہے، جس کے معنی ہیں، اعلیٰ، بلند، برتر، جبکہ لکی نمبر ہے 2۔  پاکستان میں بھی ایسی کئی شخصیات ہیں جن میں یہ کوائلٹی دکھائی دیتی ہے جیسے کہ علی محمد خان جنہوں نے تنہا اسمبلی میں سب کا مقابلہ کیا۔ علی ظفر جو کہ آج بھی پاکستان کے مشہور گلوکار ہیں، اگرچہ ان پر مشکل وقت آیا، مگر انہوں نے ہمت نہیں ہاری۔