اللہ کی تعریف کرنے والا ! فروری میں پیدا ہونے والے بچوں کے نام کس حُرف سے رکھیں؟ جانیے وہ خوبصورت نام جو آپ بھی اپنے بچوں کے رکھ سکتے ہیں

تاریخ پیدائش کو دیکھتے ہوئے نام رکھنے کا طریقہ بہت پُرانا ہے۔ پہلے دور میں تو اکثر لوگ یہ دیکھ کر نام رکھتے تھے کہ بچہ کب کس وقت اور کس مہینے میں پیدا ہوا ہے اور باقاعدہ اپنے مبلغ سے بھی پوچھتے تھے مگر اب یہ طریقہ معدوم ہوتا جا رہا ہے۔

لیکن آج بھی لوگ اپنے بُرج سے ملا جُلا کر نام رکھتے ہیں۔ آج ہم آپ کو بتاتے ہیں فروری میں پیدا ہونے والے بچوں کے کیا نام رکھنے چاہیے؟

فروری کا بُرج کونسا ہے؟

فروری میں پیدا ہونے والے افراد کے بُرج دلو اور بُرج حوت ہیں۔ جن کی مناسبت سے ایسے افراد کے نام ان حُروف سے رکھے جاسکتے ہیں۔

حروف:

د،دا،گ،غ،ش،س،ص اور ث۔

ان حروف سے نام رکھے جاسکتے ہیں لیکن یہ ضروری نہیں ہے۔

نام اور ان کے معنیٰ:

گ:

گُلِ رعنا:

گُلِ رعنا ایک بہت پرانا نام ہے لیکن آج بھی لوگ اپنی بیٹیوں کا یہ نام رکھتے ہیں۔ پشاور میں اس نام کو زیادہ پسند کیا جاتا ہے۔ اس کے معنی ہیں: " دو رنگے پھول جیسی، سرخ پھول، خوشنما"۔

غ:

غدیر:

غدیر ایک منفرد نام ہے اور یہ مُبارک دنوں میں سے ایک نام بھی سمجھا جاتا ہے۔ اس کے معنی ہیں: " جھیل، تالاب، جوہر۔"

س:

سبیکہ:

سبیکہ نام پُرانا ہے مگر اب بھی لوگ اس کو پسند کر رہے ہیں اس کے معنی ہیں: " دوست، حیثیت پسند، طاقت پسند، منصفانہ، خود کفیل، رہنما، ساتھ، خوش نما، خوبصورت۔"

ص:

صالک:

صالک ایک منفرد اور چھوٹا نام ہے جس کو بولنے میں بھی آسانی رہتی ہے اور اس کے معنی بھی ہیں حسین۔ صالک عربی کا لفظ ہے جس کے معنی ہیں: " خُدا کے راستے پر چلنے والا، روشن خیال۔"

صہیب:

صہیب نام بہت کم لوگ ہی رکھتے ہیں۔ اس کے معنی : " سرخی مائل، سرخ، مشہور صحابی حضرت صہيب رومی رضی اللہ عنہ، خوش مزاج"

ش:

شاہ رُخ:

شاہ رُخ نام کے معنی ہیں: " خوبصورت چہرہ، قائل کرنے والا، مستقل مزاج، کامیاب۔"

ث:

ثناءُاللہ:

ثناءُاللہ عربی زبان کا لفظ ہے اور عرب ممالک میں یہ نام بہت پسند کیا جاتا ہے اس کے معنی ہیں: " اللہ کی تعریف کرنے والا، پسندیدہ۔"

ثوبان:

ثوبان ایک نیا اور منفرد نام ہے جس کے معنی ہیں: " آنحضرتﷺ کے غلام کا نام، بیماری کے بعد تندرستی حاصل ہونا، صحت یاب ہونا۔"

د اور دا:

دانیہ:

دانیہ پاکستان میں رکھا جانے والا ایک عام نام ہے جس کے معنی ہیں: " پاس ہونے والی، قربت حاصل کرنے والی، غلام۔"

دُعا:

دُعا مانگنا ایک عام فعل ہے اور یہ نام عرب ممالک میں عام طور پر رکھا جاتا ہے۔ اس کے معنی ہیں: " نعمت، تحفہ، عطا کیا جانے والا۔"

آپ کو ان میں سے کون سا نام زیادہ پسند آیا؟ ہمیشہ ہماری ویب کے فیس بُک پیج پر کمنٹ سیکشن میں ضرور بتائیے گا۔