3 بار دنیا کے بہترین ایمپائر کا ایوارڈ جیتنے والے علیم ڈار ایک اور عالمی ریکارڈ توڑنے کے قریب پہنچ گئے

راولپنڈی(آن لائن) پاکستانی امپائر علیم ڈار سابق ویسٹ انڈین امپائر سٹیوبکنر کے ریکارڈ 128 ٹیسٹ میچز سپروائز کرنے کا عالمی ریکارڈ توڑنے کے قریب پہنچ گئے۔3 بار لگاتار دنیا کے بہترین امپائر کا ایوارڈ جیتنے والے علیم ڈار نےحال ہی میں ویسٹ انڈیز کے سابق مشہور زمانہ امپائر سٹیوبکنر کے 128 ٹیسٹ میچز سپروائز کرنے کا عالمی ریکارڈ برابر کیا تھا، انہوں نے یہ کارنامہ ایشز سیریز کے لارڈز،لندن میں کھیلے جارہے دوسرے ٹیسٹ میچ کے دوران سر انجام دیا تھا اور اب آسٹریلیا اور نیوزی لینڈ کے مابین جمعرات سے پرتھ میں شیڈول ٹیسٹ میچ میں امپائرنگ کے فرائض

سر انجام دے کر یہ عالمی ریکارڈ اپنے نام کرلیں گے۔51 سالہ علیم ڈار کا کہنا ہے کہ سٹیو بکنر میرے رول ماڈل ہیں اور یہ ان کے لیے اعزاز کی بات ہے کہ وہ ان کا عالمی ریکارڈ توڑنے جارہے ہیں،ان کا مزید کہنا تھا کہ ویسٹ انڈین لیجنڈ برائن لارا کو 400رنز سکور کرتے دیکھنا اور جنوبی افریقہ کو جوہانسبرگ میں آسٹریلیا کے خلاف ریکارڈ434رنز کے ہدف کا تعاقب کرتے دیکھنا ان کے کیریئر کے تاریخی لمحات تھے۔206 ایک روزہ اور 43 ٹی ٹونٹی میچوں میں امپائرنگ کرنے والے علیم ڈار نے پی سی بی اور اپنے کلب پی اینڈ ٹی جم خانہ کا شکریہ ادا کیا۔علیم ڈار نے آئی سی سی کے ساتھ اپنے اہل خانہ اور دوستوں کا بھی شکریہ ادا کرتے ہوئے کہا کہ ان کی سپورٹ کی بدولت ہی یہ کارنامہ انجام دینے کے قابل ہوا ہوں۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.