دنیا کا سب سے چھوٹے قد والا انسان جمعہ کو نیپال میں انتقال کر گیا

گنیز بک آف ورلڈ ریکارڈ میں شامل دنیا کا سب سے چھوٹے  قد والا  انسان جمعہ کو نیپال میں انتقال کر گیا۔

تفصیلات کے مطابق خاگیندرا تھاپا مگر کا قد 2 فٹ 2.41 انچ (67.08 ملی میٹر) تھا، انہیں نیپال سے 200 کلو میٹر دور پوکھارا کے علاقے میں نمونیا کے باعث اسپتال داخل کرایا گیا تھا۔

 خاگیندرا تھاپا مگر نیپال میں اپنے والدین کے ہمراہ رہائش پذیر تھے۔

خاگیندرا تھاپا کے بھائی مہیش تھاپا نے اے ایف پی کو بتایا کہ نمونیا کے باعث وہ اسپتال آتے جاتے رہتے تھے، تاہم اس بار ان کا دل بری طرح متاثر ہوا اور خاگیندرا تھاپا 27 برس کی عمر میں انتقال کر گئے۔

خاگیندرا تھاپا مگر کو پہلی بار 2010ء میں ان کی 18 ویں سالگرہ پر دنیا کا سب سے چھوٹے قد کا انسان قرار دیا گیا تھا تاہم انہیں اس ٹائٹل سے ان کے ہم وطن چندرا بہادر دنگی نے محروم کردیا تھا۔

دنگی کا قد 54.6 سینٹی میٹر تھا، دنگی کو ان کی جگہ گنیز بک میں شامل کرلیا گیا تھا، تاہم 2015ء میں دنگی کے انتقال کے بعد دوبارہ انہوں نے یہ اعزاز اپنے نام کرلیا تھا۔

ان کے والد ، روپ بہادر نے کہا ، “جب وہ پیدا ہوا تو وہ اتنا چھوٹا تھا کہ آپ کے ہاتھ کی ہتھیلی میں فٹ بیٹھ سکتا تھا ، اور اسے نہانا بہت مشکل تھا کیونکہ وہ بہت چھوٹا تھا۔”

 خیال رہے کہ دنیا کے سب سے چھوٹے آدمی خاگیندرا تھاپا مگر نے ایک درجن سے زائد ممالک کا سفر بھی کیا تھا۔  


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.