ترک صدر کا پاکستان کیساتھ کاروباری حجم پانچ ارب ڈالر تک لے جانے کا اعلان

اسلام آباد: ترکی کے صدر طیب ایردوان نے اعلان کیا ہے وہ پاکستان کے ساتھ  پہلے مرحلے میں تجارتی حجم ایک ارب ڈالر اورپھر 5 ارب ڈالر تک بڑھائیں گے۔

پاک ترک بزنس فورم سے خطاب کے دوران انہوں نے بہترین مہمانداری پر پاکستان کا شکریہ ادا کرتے ہوئے کہا کہ پاکستان کو اپنا دوسرا گھر سمجھتے ہیں، توقع ہے یہ ملاقاتیں دوطرفہ تعلقات کے فروغ میں مفید ثابت ہوں گی۔

ان کا کہنا تھا کہ صدر عارف علوی سے سیرحاصل گفتگو ہوئی اور آج پاکستانی پارلیمنٹ سے بھی خطاب کا موقع ملا۔

انہوں نے کہا کہ پاکستان کے ساتھ مختلف سطح پر تعلقات کو فروغ دے رہے ہیں، دونوں ملکوں کے درمیان اعلیٰ سطح تزویراتی کونسل کا چھٹا اجلاس آج ہوا ہے ،ترکی پاکستان میں سرمایہ کاری کا خواہاں ہے۔

ترک صدر کا کہنا تھا کہ دونوں ملکوں کو تجارتی سطح پر بھی تعلقات میں وسعت دینے کی ضرورت ہے، پاکستان میں توانائی،خوراک اور دیگر شعبوں میں سرمایہ کاری کریں گے۔

ان کا کہنا تھا کہ تجارت سمیت دیگر امور پر بھی تعلقات آگے بڑھائیں گے، سرمایہ کاری کی کوئی قومیت نہیں ہوتی، تمام ترمشکلات کے باوجود ترقی کا سفرجاری ہے۔

انہوں نے بتایا کہ ترک حکومت کے اقدامات سے سیاحوں کی تعداد میں اضافہ ہوا ہے۔

ترک صدر نے کہا کہ پاکستان کےلوگ علاج معالجے کے لیےمغربی ممالک کا رخ کرتے ہیں، اس رجحان کو بدلنا چاہیئے ترکی میں بھی جدید اسپتال موجود ہیں۔

 


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.