بھارتی فوج کی تین سیکٹرز کی شہری آبادی پر گولہ باری، متعدد افراد زخمی

تتہ پانی (مانیٹرنگ ڈیسک) بھارتی فوج نے بین الاقوامی سرحدی قوانین کی ایک بار پھر دھجیاں بکھیر ڈالیں او ر ایل او سی سے ملحقہ شہری آبادی والے پاکستانی علاقوں پر بلا اشتعال فائرنگ کی جس کے نتیجے میں متعدد شہریوں کے زخمی ہونے کی اطلاعات جبکہ کئی گھر تباہ  اور درجنوں مویشی بھی ہلاک ہوگئے۔ تفصیلات کے مطابق منگل کے روز صبح سویرے بھارتی فوج نے لائن آف کنٹرول پر  تتہ پانی،درہ شیرخان سہڑہ سیکٹرز میںاچانک بلااشتعال شدید فائرنگ وگولہ باری شروع کردی اور ان سیکٹرز کے سویلین آبادی کے علاقوں درہ شیرخان ، سہڑہ،تاہی ،نمب، شمالی گرھڈ جنجوڑہ وغیرہ کو نشانہ بنایا، اس دوران ہیوی گنوں کا بے دریغ استعمال کیا گیا ، جس کے نتیجہ میںسہڑہ کے مقام پر چوہدری فضل کریم مرحوم کے رہائشی مکان پر گولہ گرنے سے اُنکی اہلیہ شہناز بیگم ، بیٹا محمد نعیم ، دوبیٹیاں انیلہ اختر، سائرہ اختراور دو گھر مہمان آئی رشتے دارلڑکیاں عدیقہ دختر محمد شبیر چوہدری،ثناء دختر محمد شاہپال چوہدری ساکنہ دھناء تتہ پانی زخمی ہوئیں ،جبکہ سہڑہ سے نسرین بیگم زوجہ راجہ معروف ،روبینہ زوجہ طارق محمود بٹ ، التمش ولد راجہ ذوالقرنین اور ذوالفقار احمد عرف کالا ولد محمد شریف مغل ساکن تاہی مواڑہ بھی زخمی ہوئے ، زخمیوں کو فوری تتہ پانی ہسپتال لایا گیا ، ابتدائی طبی امداد کے بعد شدید زخمیوں کوڈی ایچ کیوہسپتال کوٹلی ریفر کردیا گیا ہے۔ادھر پاک فوج کی جانب سے دندان شکن جواب نے دشمن کی گنوں کو خاموش کرادیا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

22