پاکستان کرکٹ ٹیم کے تمام اراکین کے کرونا ٹیسٹ منفی

پاکستان کرکٹ ٹیم کے تمام اراکین کا کرونا ٹیسٹ منفی آگیا۔ جنوبی افریقا کیخلاف پہلا ٹیسٹ 26 جنوری سے کراچی میں کھیلا جائے گا۔

پاکستان کرکٹ ٹیم کے گزشتہ روز لاہور سے کراچی پہنچتے ہی ہوٹل میں کی کرونا ٹیسٹنگ کی گئی تھی، آج (بدھ کو) قومی ٹیم کے اسکواڈ، مینجمنٹ اور اہل خانہ سمیت تمام افراد کی رپورٹس منفی آئی ہے۔

رپورٹ کے مطابق پاکستان کرکٹ ٹیم کے تمام اراکین کے کرونا ٹیسٹ منفی آنے کے بعد اسکواڈ کو کراچی میں پریکٹس کی اجازت بھی مل گئی ہے۔

پاکستان اور جنوبی افریقا کے درمیان پہلا ٹیسٹ کراچی کے نیشنل اسٹیڈیم میں 26 جنوری سے شروع ہوگا جبکہ دوسرا ٹیسٹ 4 فروری سے کھیلا جائے گا۔

واضح رہے کہ جنوبی افریقی کرکٹ ٹیم 13 سال بعد کوانٹن ڈی کوک کی قیادت میں 16 جنوری کو کراچی پہنچی تھی، میزبان ٹیم 2 ٹیسٹ میچز اور 3 ٹی 20 پر مشتمل سیریز کھیلے گی۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

113