خواہش تھی کہ ایسے لڑکے سے شادی ہو، جس پر لڑکیاں مرتی ہوں، عائزہ خان

کراچی (ویب ڈیسک )ملکی تاریخ کے مقبول ڈرامے ’میرے پاس تم ہو‘ سے شہرت حاصل کرنے والی اداکارہ عائزہ خان نے انکشاف کیا ہے کہ شادی سے قبل ان کی خواہش تھی کہ ان کی شادی کسی ایسے لڑکے سے ہو، جس پر دنیا کی تمام لڑکیاں مرتی ہوں۔عائزہ خان اپنے شوہر دانش تیمور کے ساتھ اداکار احسن خان کے شو میں شریک ہوئیں، جہاں دونوں نے نہ صرف شوبز کی دنیا سے متعلق باتیں کیں بلکہ انہوں نے اپنی ذاتی زندگی پر بھی کھل کر بات کی۔طویل پروگرام میں بات کرتے ہوئے عائزہ خان اور دانش تیمور نے اعتراف کیا کہ دونوں کبھی ایک دوسرے کو کسی طرح کے ڈرامے یا فلم میں کام کرنے یا نہ کرنے سے متعلق کچھ نہیں کہتے۔دانش تیمور نے بتایا کہ انہیں آج تک عائزہ خان نے کبھی کسی ڈرامے یا فلم میں کسی ہیروئن کے ساتھ رومانس کرنے سے نہیں روکا۔ساتھ ہی عائزہ خان نے بھی بتایا کہ انہیں دائش تیمور نے آج تک کسی ڈرامے میں کام کرنے سے نہیں روکا، البتہ وہ ان سے تجویز مانگتی ہیں کہ وہ فلاں منصوبے میں کام کریں یا نہ کریں؟اسی بحث کے دوران عائزہ خان نے بتایا کہ انہیں شوہر کی جانب سے فلموں یا ڈراموں میں ہیروئنز کے ساتھ رومانس کرنے پر کبھی کوئی پریشانی نہیں ہوتی۔عائزہ خان نے دلیل دی کہ ان کی تو بچپن میں ہی خواہش تھی کہ وہ ایسے لڑکے سے شادی کریں، جس پر دنیا کی ساری لڑکیاں مرتی ہیں اور وہ لڑکا ان پر مرتا ہو۔عائزہ خان کے مطابق ان کی خواہش پوری ہوگئی اور انہوں نے جیسا سوچا تھا کہ وہ کسی ہیرو کے ساتھ شادی کریں گی، ایسا ہی ہوا۔طویل پروگرام میں دونوں نے شوبز سے متعلق بھی باتیں کیں اور ساتھ ہی شادی سے قبل اپنے تعلقات کا بھی پہلی بار کھل کر اعتراف کیا۔عائزہ خان کے مطابق ان کے شادی سے قبل 6 سال تک دانش تیمور کے ساتھ تعلقات رہے تھے تاہم ان دونوں میں حقیقی اور گہرا پیار شادی کے بعد ہی ہوا۔پروگرام کے دوران ایک سوال کے جواب میں دانش تیمور نے بتایا کہ شادی سے قبل ان دونوں کی منگنی ہوئی تھی تاہم کچھ مسائل کی وجہ سے ان کی منگنی بھی ٹوٹ گئی تھی۔اداکار نے بتایاکہ جن دنوں ان کی منگنی ٹوٹی تھی، ان دنوں وہ کام کے سلسلے میں بھارت گئے تھے اور وہاں سے واپسی کے بعد انہوں نے عائزہ خان کا فون نمبر ’سمرن ٹیلی نار‘ کے نام سے محفوظ کیا تھا۔دانش تیمور کا کہنا تھا کہ اگرچہ ان کی منگنی ٹوٹ چکی تھی تاہم وہ عائزہ کے ساتھ دوبارہ تعلق جوڑنا چاہتے تھے، اسی وجہ سے ان کا نمبر گھر والوں کی ڈانٹ سے بچنے کے لیے دوسرے نام سے محفوظ کیا تھا۔دانش تیمور نے بتایا کہ بعد ازاں ایک شوبز شخصیت کے تعاون سے ان کے درمیان دوبارہ تعلقات استوار ہوئے اور 6 سال قبل انہوں نے شادی کرلی۔شادی کے حوالے سے عائزہ خان نے بتایا کہ جب ان کے اور دانش تیمور کے درمیان تعلقات تھے تو ایک دن دانش نے انہیں فون کرکے بتایا کہ وہ ان سے شادی کرنا چاہتے ہیں اور وہ صرف ان کی رضامندی جاننا چاہتے ہیں۔عائزہ خان کے مطابق انہیں شادی کی پیش کش کرنے سے قبل دانش تیمور نے ان کی والدہ سے شادی کی بات طے کرلی تھی مگر اس کا علم انہیں نہیں تھا۔ایک سوال کے جواب میں عائزہ خان نے بتایا کہ اپنے بچوں کو سنبھالنا مشکل نہیں ہوتا بلکہ ساس کے بچے کو سنبھالنا مشکل ہوتا ہے۔پروگرام میں دانش تیمور نے انکشاف کیا کہ عائزہ خان سے نکاح کرنے کے بعد ان دونوں کے درمیان محبت بڑھی اور شادی کے بعد کی محبت کا سکون وہ الفاظ میں بیان نہیں کر سکتے۔خیال رہے کہ دانش تیمور اور عائزہ خان نے 2014 میں شادی کی تھی اور ان کے ہاں بیٹی حورین کی پیدائش 2015 میں جبکہ بیٹے ریان کی پیدائش 2017 میں ہوئی تھی۔دونوں نے ایک ساتھ ڈراموں میں کام بھی کیا ہے جب کہ دونوں شوبز انڈسٹری کے مقبول اداکار ہیں اور ان کا شمار شوبز کی رومانوی جوڑیوں میں ہوتا ہے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

96