پی ایس ایل کے التواءسے انٹرنیشنل میچز بھی خطرے میں، غیر ملکی کھلاڑی اب کیا جواز پیش کر سکتے ہیں؟ انضمام الحق نے تشویشناک انکشاف کر دیا

لاہور (ویب ڈیسک) پاکستان کرکٹ بورڈ (پی سی بی) کے سابق چیف سلیکٹر اور قومی ٹیم کے سابق کپتان انضمام الحق نے پاکستان سپر لیگ (پی ایس ایل) کے چھٹے ایڈیشن کے التواءکو پاکستان میں انٹرنیشنل میچز کیلئے خطرہ قرار دیتے ہوئے کہا ہے کہ اب غیر ملکی کرکٹرز انتظامات ناکافی ہونے کا جواز دے سکتے ہیں۔ تفصیلات کے مطابق انضمام الحق نے اپنے بیان میں کہا کہ پی ایس ایل کے گزشتہ سیزن میں بھی کورونا وائرس کی وجہ سے میچز التواءکا شکار ہوگئے تھےاور اس بار بھی یہی ہوا جس کے باعث اب غیر ملکی کرکٹرز اور ٹیمیں کہہ سکتی ہیں کہ یہاں انتظامات ناکافی ہیں، مستقبل میں مسائل پیدا ہوسکتے ہیں، سننے میں آیا ہے کہ کرکٹرز کو ان کے بورڈز اور ملکوں کی جانب سے واپسی کیلئے ہدایات ملی ہیں،طویل انتظار کے بعد پاکستان میں انٹرنیشنل کرکٹ کے دروازے کھلے، کیا ایسی صورتحال میں کوئی ملک اپنے کھلاڑیوں کو یہاں بھیجنے کیلئے تیار ہو گا؟سابق چیف سلیکٹر کا کہنا تھا کہ سپانسرز کیلئے ہم نے ٹورنامنٹ تو شروع کردیا

لیکن غلطیوں کا بھاری نقصان ہوا ہے، اگر ہم نے ان مسائل پر قابو پانے کیلئے درست اقدامات نہ اٹھائے اور معاملے کو دبا دیا تو اس طرح کے واقعات دوبارہ ہوں گے، ہمیں ذمہ داروں کیخلاف کارروائی کرتے ہوئے انہیں آئندہ معاملات سے دور رکھنا ہو گا، ہمیں دنیا کو بتانا ہوگا کہ ایکشن لے سکتے ہیں، اس طرح ایک مثال بھی قائم ہوگی اور لوگ آئندہ غلطیوں سے گریز کریں گے، پوری تحقیق کی جائے کہ کس نے بائیو ببل توڑا، تمام ٹیمیں ایک ہی ہوٹل میں تھیں،خدشہ ہے کہ مزید کئی کھلاڑیوں کے ٹیسٹ بھی مثبت آ جائیں گے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

56