امریکا ستمبر تک افغانستان سے فوج واپس بلالے گا، حکام

امریکی صدر جو بائیڈن رواں برس 11 ستمبر تک غیر مشروط طور پر افغانستان سے امریکی فوجی واپس بلالیں گے۔ 

غیر ملکی خبر رساں ادارے (اے ایف پی) نے ایک امریکی حکومتی عہدیدار کے حوالے سے بتایا ہے کہ نیویارک کے ورلڈ ٹریڈ سینٹر پر حملے کی 20ویں برسی سے قبل امریکا اپنی طویل ترین جنگ کا اختتام کرے گا۔

امریکی عہدیدار نے نام ظاہر نہ کرنے کی شرط پر میڈیا کے نمائندوں کو بتایا کہ صدر بائیڈن اس نتیجے پر پہنچ چکے ہیں کہ افغانستان سے امریکی افواج کا گیارہ ستمبر سے پہلے مکمل انخلاء کیا جائے۔

سابق امریکی صدر ڈونلڈ ٹرمپ نے افغانستان سے افواج کے انخلا کیلئے یکم مئی کی تاریخ مقرر کی تھی تاہم کہا تھا کہ 3 ہزار فوجی امریکی بیس پر رکھے جائیں گے۔

قطر کے دارالحکومت دوحہ میں طالبان کے ساتھ کئے گئے معاہدے میں ٹرمپ انتظامیہ نے افغانستان سے امریکی افواج کے انخلاء کی تاریخ دی تھی۔

امریکی عہدیدار کے مطابق صدر جو بائیڈن نے امید ظاہر کی ہے کہ افغانستان میں تشدد میں کمی آئے گی، جس کے حوالے سے طالبان نے انتباہ کیا تھا کہ اگر امریکی افواج کا یکم مئی تک انخلاء نہ ہوا تو وہ حملے کریں گے۔

خیال رہے کہ افغان طالبان نے خبردار کیا تھا کہ وہ مئی کی ڈیڈ لائن کے بعد ملک میں غیر ملکی فوجیوں کی موجودگی کو برداشت نہیں کریں گے۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

49