انڈین ریلوے ہیرو: ’جس کی جان بچانے پر انعام ملا، وہ بھی اسی کو دے دیا‘

اپنی جان خطرے میں ڈال کر چھ سالہ بچے کو ٹرین کی زد میں آنے سے بچانے پر 50  ہزار کا انعام حاصل کرنے والے انڈین سنٹرل ریلوے کے ملازم نے رقم کا بڑا حصہ اسی بچے کی تعلیم کے لیے دے دیا ہے۔

اس حوالے سے جمعرات کو ایک انڈین خاتون نندنی اڈنانی نے ٹویٹ کرتے ہوئے بتایا کہ ’میور شیلکھے نے گذشتہ روز محکمہ ریلوے سے حاصل ہونے والے اپنے نقد انعام کا بڑا حصہ اسی بچے کی تعلیمی ضروریات کے لیے دے دیا ہے، جس کی انہوں نے جان بچائی تھی۔‘

انہوں نے بچے کی والدہ کے حوالے سے لکھا کہ ’کمزور بینائی کی حامل اس بچے کی والدہ سنگیا شرسات خدا کی اس مدد پر اور مییور کے دلیرانہ اور رحمدلی کے رویے پر شکر گزار ہیں۔‘

انڈین ریاست مہاراشٹر کے ونگانی ریلوے سٹیشن کے ٹریک پر گر جانے والے چھ سالہ بچے کو ریلوے ملازم میور شیلکھے نے اپنی جان خطرے میں ڈال کر کیسے بچایا، دیکھیے یہ ویڈیو #India #MayurShelkhe #Railways pic.twitter.com/KoP5um6bfy

— Urdu News (@UrduNewsCom) April 20, 2021

خیال رہے کہ گذشتہ روز انڈین ریاست مہاراشٹر کے ونگانی ریلوے سٹیشن کے ٹریک پر گر جانے والے چھ سالہ بچے کو ریلوے ملازم میور شیلکھے نے اپنی جان خطرے میں ڈال کر بچایا تھا۔

وزارت ریلوے نے میور شیلکھے کو اس کارنامے پر انہیں 50 ہزار روپے انعام دیا۔


 

WATCH LIVE NEWS

Samaa News TV PTV News Live Express News Live 92 NEWS HD LIVE Pakistan TV Channels

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

95