بھارت  خطے میں امن کی راہ میں سب سے بڑی رکاوٹ ہے، وزیرخارجہ

image

وزیرخارجہ شاہ محمود قریشی نے کہا ہے کہ بھارت  خطے میں امن کی راہ میں سب سے بڑی رکاوٹ ہے ۔

تفصیلات کے مطابق وزیرخارجہ شاہ محمود قریشی نے اپنے ایک بیان میں کہا  کہ بھارت  خطے میں امن کی راہ میں سب سے بڑی رکاوٹ ہے ، دنیا میں امن قائم کرنے کیلئے کشمیر اور فلسطین کے مسئلے کو حل کرنا ہوگا۔

شاہ محمود قریشی نے کہا کہ وزیراعظم پاکستان عمران خان کشمیر اورفلسطین بلکہ مسلم امہ کے سفیر کی حیثیت سے کام کررہے ہیں    ۔

وزیرخارجہ کا کہنا تھا کہ آزاد کشمیر کی عوام نے تحریک انصاف کو کشمیری عوام کا بھر پور موقف اجاگرکرنے پر بھاری مینڈیٹ سے نوازا جبکہ  آزاد کشمیر کی عوام نے انتخابات میں پی پی اور  ن لیگ کو مسترد کیا ۔

 شاہ محمود قریشی کا یہ بھی کہنا تھا کہ پی پی کو آزاد کشمیر میں الیکشن ہارنے پر دھاندلی یاد آئی ۔ پی پی کے پاس آزاد کشمیرکے 45 حلقوں کے امیدوار ہی نہیں تھے     ۔

وزیرخارجہ شاہ محمود قریشی کا مزید کہنا تھا کہ سندھ اس وقت اس وباءسے خاصا متاثر ہے ، ہمیں مہنگائی اور معیشت سمیت بہت سے چیلنجزکا سامنا ہے جن پر قابو پانے کیلئے ہماری ٹیم سخت محنت کررہی ہے ۔

Adsense 300×250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.

48