حلقہ این اے 133 ضمنی انتخاب: پیپلز پارٹی کے امیدوار پر جرمانہ عائد

image

لاہور: حلقہ این اے 133 میں ضمنی انتخاب میں ضابطہ اخلاق کی خلاف ورزی پر ڈسٹرکٹ مانیٹرنگ آفیسر نے اُمیدوار اسلم گل کو ریلی کرنے پر جرمانہ عائد کر دیا۔

ڈسٹرکٹ مانیٹرنگ آفیسر نے پیپلز پارٹی امیدوار اسلم گل پر پیکو روڈ لاہور سے کار ریلی نکالنے پر پچاس ہزار روپے جرمانہ عائد کیا۔

ڈسٹرکٹ مانیٹرنگ آفیسر کا کہنا ہے کہ کار ریلی کا انعقاد ضابطہ اخلاق کی خلاف ورزی ہے۔

پیپلز پارٹی امیدوار اسلم گل کو تین روز میں جرمانہ جمع کروانے کے احکامات جاری کئے گئے ہیں۔

قبل ازیں، رکن قومی اسمبلی راجہ پرویز اشرف کو پیپلز پارٹی امیدوار اسلم گل کی انتخابی مہم میں شرکت پر نوٹس جاری کیا گیا تھا۔

جبکہ 29 نومبر کو ڈسٹرکٹ مانیٹرنگ آفیسر الیکشن کمیشن پاکستان زاہد سبحانی کی جانب سے انتخابی ضابطہ اخلاق کی خلاف ورزیوں پر پیپلز پارٹی کے رہنما راجہ پرویز اشرف پر بھی  49 ہزار 5 سو روپے جرمانہ عائد کیا گیا تھا۔

اس سے دو روز قبل ڈسٹرکٹ مانیٹرنگ آفیسر نے شائستہ پرویز کو جرمانہ اور راجہ پرویز اشرف کو نوٹس جاری کیا تھا۔

ڈسٹرکٹ مانیٹرنگ آفیسر نے مسلم لیگ ن کی امیدوار شائستہ پرویز ملک کو جرمانہ ادا کرنے کے احکامات جاری کیے تھے۔

ڈسٹرکٹ مانیٹرنگ آفیسر کا کہنا تھا کہ شائستہ پرویز پر ضابطہ اخلاق کی خلاف ورزی پر 20,000 روپے جرمانہ عائد کیا گیا۔ حلقے میں بل بورڈز، وال چاکنگ اور پینا فلکسز پر مکمل پابندی ہے۔

Square Adsence 300X250


News Source   News Source Text

WATCH LIVE NEWS

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.