عابدہ پروین اور نصیبو لال کے کلام ’’تو جھوم‘‘ کی موسیقی چوری نکلی

image

عابدہ پروین اور نصیبو لال کے کلام ’’تو جھوم‘‘ کی موسیقی چوری کی نکلی اور اس موسیقی کی دعوے دار سامنے آگئی ہیں۔

کوک اسٹوڈیو کے 14 ویں سیزن کے کلام ’’تو جھوم‘‘ کی موسیقی چوری کی نکلی جسے عابدہ پروین اور نصیبو لال نے گایا ہے۔

سندھی گلوکارہ نرملا منگھانی نے دعویٰ کیا ہے کہ موسیقی کی طرز میری اپنی ہے، میں نے جون 2021 میں یہ گانا اور اس کی کمپوزیشن کوک اسٹوڈیو میوزک پرڈیوسر ذوالفقار کو بھیجی تھی۔

نرملا نے کہا کہ شاعری تبدیل کرکے گانا بنا دیا گیا جو انصافی ہے، میرے پاس بات چیت کے تمام ثبوت موجود ہیں، جلد قانونی کارروائی کروں گی۔

نرملا منگھانی نے کہا کہ میں کسی رقم کا تقاضا نہیں کر رہی، یہ چاہتی ہوں کہ موسیقی کا کریڈٹ مجھے دیا جائے۔

یاد رہے 14 جنوری کو کوک اسٹوڈیو نے 14ویں سیزن کا آغاز کیا جس میں صوفی گلوکارہ عابدہ پروین اور نصیبو لال کے کلام ’’تو جھوم‘‘ نے لوگوں پر سحر طاری کردیا۔

عابدہ پروین اور نصیبو لال کے کلام کو انٹرنیٹ پر صارفین کی جانب سے بہت پسند کیا گیا کیوں کہ ذوالفقار خان عرف زلفی نے اس کی موسیقی ایسے ترتیب دی جسے سننے والے ایک الگ ہی کیفیت میں مبتلا ہوجاتے۔

سماجی رابطے کی ویب سائٹ ٹویٹر پر بھی عابدہ پروین اور نصیبو لال کا کلام ’’تو جھوم‘‘ ٹاپ ٹرینڈ پر رہا۔

سوشل میڈیا پر عابدہ پروین اور نصیبو لال کی ایک ویڈیو وائرل ہورہی ہے جس میں اسٹوڈیو میں دونوں گلوکاراؤں کی پرفارمنس سے پہلے ایک دوسرے سے عاجزانہ انداز میں ملنے کو صارفین بے حد  سرہا رہے ہیں۔

Square Adsence 300X250


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.