’بچوں کو لانگ مارچ میں مت لائیں‘، شوبز شخصیات کے سیاسی صورتحال پر تبصرے

image
پاکستان تحریک انصاف (پی ٹی آئی) کا لانگ مارچ اسلام آباد کی طرف بڑھ رہا ہے اور ملک کے مختلف علاقوں میں پارٹی کے کارکنان اور پولیس اہلکاروں میں تصادم کے باعث صورتحال کشیدہ ہے۔

حکومت کی جانب سے راولپنڈی اور اسلام آباد کے تمام داخلی اور خارجی راستوں کو کنٹینر لگا کر بند کر دیا گیا ہے تاکہ مظاہرین کو دارالحکومت میں داخل ہونے سے روکا جائے۔

عام لوگوں کی طرح شوبز سے منسلک شخصیات بھی ٹوئٹر پر ملک کی سیاسی صورتحال پر تبصرے کرتے ہوئے نظر آ رہی ہیں۔ 

پاکستانی اداکارہ مریم نفیس نے اپنے انسٹاگرام اکاونٹ اور سماجی رابطے کی ویب سائٹ ٹوئٹر پر اپنے فالورز سے درخواست کی کہ ’آپ سب عمران خان کے ساتھ اس لانگ مارچ میں بھرپور شرکت کریں۔‘

ان کا کہنا تھا کہ ’میں خاندان کے مردوں سے درخواست کروں گی کہ وہ اپنی عورتوں کے ساتھ مارچ میں جائیں۔‘

مریم نفیس نے کہا کہ انہیں ڈر ہے کہ خواتین مظاہرین کو مارچ کے دوران ہراساں کیا جا سکتا ہے۔

پاکستانی اداکار ہارون شاہد نے لانگ مارچ میں شرکت کرنے والوں کو ہدایت کی کہ اپنے ساتھ پانی، نمک اور کپڑے ساتھ رکھیں تاکہ آنسو گیس شیلنگ سے بچا جا سکے۔

انہوں نے مزید لکھا کہ ’احتجاج میں بچوں کو ساتھ لے کر نہ جائیں۔‘

گذشتہ روز پاکستان تحریک انصاف کے حامی و گلوکار ابرار الحق نے ویڈیو پیغام کے ذریعے پاکستان مسلم لیگ ن کی رہنما مریم نواز کو مخاطب کرتے ہوئے کہا تھا کہ ’اب وہ بندہ ہمارا راستہ روکے گا جو 22 لوگوں کا قاتل ہے۔‘

    

View this post on Instagram           A post shared by Abrar Ul Haq | FC (@abrarulhaq.fc)

اس حوالے سے مزید بات کرتے ہوئے ان کا کہنا تھا کہ ’اقتدار کی ہوس میں اتنا آگے نہیں نکلنا چاہیے۔ ن لیگ کو چاہیے کہ کوئی بھی قدم اٹھانے سے پہلے ایک مرتبہ ضرور سوچے ورنہ عوام وہ حال کریں گے کہ آپ یاد رکھیں گے۔‘


News Source   News Source Text

WATCH LIVE NEWS

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.