طنز و مزاح سے بھرے ’لفنگے‘ بہت جلد آرہے ہیں

image
عیدالاضحیٰ کے موقع پر اس بار جہاں رومانوی اور ایکشن سے بھرپور پاکستانی فلمیں ریلیز ہو رہی ہیں وہیں شائقین کو مزاح اور ہارر فلم بھی دیکھنے کو ملے گی۔

طنز، مزاح اور خوف سے بھرپور پاکستانی فلم ’لفنگے‘ کا پوسٹر سماجی مائیکرو بلاگنگ ایپ انسٹاگرام پر جاری کردیا گیا ہے۔

فلم ’لفنگے‘ کے پوسٹر میں پانچ دوستوں اور ایک بھوت کو دکھایا گیا ہے جو نہایت مزاحیہ طریقے سے ڈرا رہا ہے۔

فلم کی مرکزی کاسٹ میں اداکار سمیع خان، بہروز سبزواری، نازش جہانگیر، مانی، سلیم معراج اور مبین گبول شامل ہیں جبکہ عبدالخالق خان فلم کے ڈائریکٹر ہیں۔

    

View this post on Instagram           A post shared by Sami Khan (@sami_khan.official)

فلم میں بھوت کا کردار بہروز سبزواری ادا کر رہے ہیں۔

اداکار سمیع خان کے انسٹاگرام پر مداحوں کی جانب سے مثبت تبصرے دیکھنے میں آرہے ہیں۔

علی ایمان نامی ایک صارف نے تبصرہ کرتے ہوئے کہا کہ ’فلم کے لیے نیک تمنائیں۔ آپ بہترین کے حق دار ہیں۔ امید ہے کہ یہ فلم سپرہٹ ہوگی۔‘

فاطمہ چودھری نامی صارف پوسٹر کے بارے میں لکھتی ہیں کہ ’سارے کے سارے ہی لفنگے لگ رہے ہیں۔‘

فلم ’لفنگے‘ عید الاضحیٰ پر سنیما گھروں میں ریلیز کی جائے گی۔


News Source   News Source Text

مزید خبریں
آرٹ اور انٹرٹینمنٹ
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.