بھارت:قبائلی خاتون سیاستدان دروپدی مرمو بی جے پی کی صدارتی امیدوار نامزد

image
بھارت کی حکمران جماعت بی جے پی نے قبائلی خاتون سیاستدان دروپدی مرموکو اپنا بھارتی صدارتی امیدوار نامزد کردیا ہے۔

میڈیا رپورٹس کے مطابق 64 سالہ دروپدی مرمو کا تعلق ریاست اڑیسہ سے ہے۔ وہ کئی دہائیوں سے بی جے پی کا حصہ ہیں اور اہم عہدوں پر فرائض انجام دی چکی ہیں۔

دروپدی مرمو اپنے کیئریر کے آغازمیں ٹیچر بھی رہ چکی ہیں ۔ وہ قبائلیوں کے حقوق کے لیے بھی سرگرم رہی ہیں۔

وہ بی جے پی کے ٹکٹ پر ریاست اڑیسہ کی اسمبلی میں دو مرتبہ منتخب ہوئیں۔سال 2015 میں وہ ریاست جھاڑکھنڈ کی پہلی خاتون گورنر منتخب ہوئی تھیں۔اگر وہ بھارت کی صدر منتخب ہوتی ہیں تو وہ اس عہدے پر فائز ہونے والی پہلی قبائلی رہنما ہوں گی۔

تجزیہ کاروں کا کہنا ہے کہ حکومتی جماعت بھارتیہ جنتا پارٹی  کی پارلیمان میں اکثریت  کے باعث دروپدی مرمو کے صدر منتخب ہونے کے امکانات روشن ہیں۔ دیگر ریاستی اسمبلیوں سے بھی ان کی  حمایت کا امکان ہے۔

دوسری جانب انڈیا کی اپوزیشن جماعتوں کا کہنا ہے کہ وہ بی جے پی کے سابق رکن یشونت سنہا کی حمایت کریں گے۔

بھارت میں صدارتی الیکشن 18 جولائی کو ہوں گے جس کے نتائج کا اعلان 21 جولائی کو ہوگا اور الیکشن میں کامیاب امیدوار موجودہ صدر رام ناتھ کووند کی جگہ لے گا۔


News Source   News Source Text

WATCH LIVE NEWS

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.