لاہور: چیئرمین پاکستان تحریک انصاف عمران خان نے کہا ہے کہ لوٹوں کو ایسی شکست دیں کہ دوبارہ ایوان میں نہ آئیں، ملزم حمزہ اور اس کے والد کو شکست دینی ہے۔
ہم نیوز کے مطابق ورکرز کنونشن سے خطاب کرتے ہوئے سابق وزیراعظم عمران خان نے کہا کہ آپ لوگوں کو لوٹوں کو اپنے حلقوں میں شکست دینا ہوگی، لوٹے اپنے حلقوں میں کامیاب نہیں ہوں گے۔
انہوں نے کہا کہ تحریک انصاف کے مارچ کے دوران ہمارے کارکنوں پر تشدد کیا گیا، لوٹے ضمیر بیچ کر حلقے کے عوام کی توہین کرتے ہیں۔
ہم نیوز کے مطابق چیئرمین پی ٹی آئی عمران خان نے کہا کہ پولیس سے لوگوں کو ڈرایا جا رہا ہے ،غنڈہ گردی کی جا رہی ہے۔