آرمی چیف کی سعودی نائب وزیر دفاع سے ملاقات: عسکری تعاون کو مزید مستحکم بنانے پر اتفاق

image

ریاض: چیف آف آرمی اسٹاف جنرل قمر جاوید باجوہ کی سعودی عرب کے نائب وزیر دفاع شہزادہ خالد بن سلمان سے  ملاقات ہوئی ہے جس میں باہمی دلچسپی کے امور سمیت دو طرفہ تعلقات کے حوالے سے تبادلہ خیال کیا گیا ہے۔

ہم نیوز نے اس ضمن میں سعودی عرب کے ذرائع ابلاغ کے حوالے سے بتایا ہے کہ ملاقات میں پاک سعودی عسکری تعلقات کا جائزہ لیا گیا، مستقبل میں پاک سعودی عسکری تعاون کو مزید مستحکم بنانے پر بھی اتفاق کیا گیا۔

سعودی عرب کے ذرائع ابلاغ کے مطابق سعودی نائب وزیر دفاع نے پاکستان آرمی کی پیشہ ورانہ مہارت کی تعریف کی، شہزادہ خالد بن سلمان نے آرمی چیف کے لیے نیک خواہشات کا بھی اظہار کیا۔

ہم نیوز نے سعودی میڈیا کے حوالے سے بتایا ہے کہ ملاقات میں چیف آف آرمی اسٹاف جنرل قمر جاوید باجوہ نے بھی سعودی عرب کی قیادت کا شکریہ ادا کیا۔

واضح رہے کہ چیف آف آرمی اسٹاف جنرل قمر جاوید باجوہ کو سعودی عرب کے کنگ عبد العزیز میڈل آف ایکسیلینٹ کلاس کے اعزاز سے نوازا گیا ہے۔ وزیر اعظم میاں شہباز شریف نے آرمی چیف کو ایوارڈ ملنے پر مبارک باد بھی دی ہے۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.