ڈی جی خان: برساتی نالہ سنگھڑ میں تاریخ کا سب سے بڑا سیلاب، درجنوں بستیاں زیر آب

image

ڈیرہ غازی خان: کوہ سلیمان کے پہاڑی سلسلے میں ہونے والی طوفانی بارشوں سے برساتی نالہ سنگھڑ میں تاریخ کا سب سے بڑا سیلاب آگیا ہے، ندی نالوں میں شدید طغیانی پیدا ہو گئی ہے، درجنوں بستیاں زیر آب آگئی ہیں، متاثرین کی نقل مکانی کا سلسلہ شروع ہو گیا ہے۔

ہم نیوز نے اس ضمن میں فلڈ کنٹرول سنٹر کے حوالے سے بتایا ہے کہ نالہ سنگھڑ سے پانی کا اخراج 2 لاکھ 55 ہزار 761 کیوسک ریکارڈ کیا گیا ہے، نالہ سنگھڑ میں غیر متوقع طور پر انتہائی اونچے درجے کا سیلاب ہہے۔

فلڈ کنٹرول سنٹر کی جانب سے جاری کردہ اعداد و شمار کے تحت برساتی نالہ وہوا میں پانی کی سطح ایک لاکھ 54 ہزار 362 کیوسک ریکارڈ ہوئی ہے، برساتی نالہ وہوا میں بھی انتہائی اونچے درجے کا سیلاب ہے جب کہ نالہ کوڑا سے پانی کا بہاؤ 48 ہزار 61 کیوسک ہو رہا ہے۔

اعداد و شمار کے تحت نالہ وڈور میں پانی کی سطح میں کمی آئی ہے جس کے بعد پانی کا اخراج 39 ہزار 254 کیوسک ریکارڈ کیا گیا ہے۔

ہم نیوز کے مطابق برساتی نالہ سنگھڑ سے تونسہ شریف کی درجنوں بستیاں زیرآب آگئی ہیں، سیلابی ریلا بستی سوکڑ اور منگروٹھہ میں بھی داخل ہوا ہے جس کے بعد متاثرین علاقہ کی محفوظ مقامات پر نقل مکانی کا سلسلہ شروع ہو گیا ہے۔

علاقے سے موصولہ اطلاعات کے مطابق نالہ وڈور سے چٹ سرکانی ، ڈگرچٹ ، نور واہ اور کوچھہ وڈانی، لوہار والا، بستی معموری، قائم والا اور زندہ پیر کے علاقے بھی زیرآب آگئے ہیں۔

16 اگست سے مزید مون سون بارشوں کا امکان، الرٹ جاری

ہم نیوز نے ضلعی انتظامیہ کے ترجمان کے حوالے سے بتایا ہے کہ سیلاب سے متاثرہ علاقوں میں ریسکیو آپریشن کے لیے فضائی مدد بھی طلب کی گئی ہے۔


News Source   News Source Text

مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.