سرکاری حجاج کو ڈیڑھ لاکھ روپے فی کس حج سپورٹ رقم کی واپسی 17 اگست سے

image

 سرکاری سکیم کے تحت فریضہ حج ادا کرنے والے حجاج کو حسب وعدہ فی کس ڈیڑھ لاکھ روپے حج سپورٹ فنڈ  کی رقم کی واپسی کا عمل شروع کر دیا گیا ہے۔

وفاقی وزیر مذہبی امور مفتی عبدالشکور کا پریس کانفرنس میں کہنا تھا کہ حج سپورٹ فنڈ  کی مد میں سرکاری حجاج کرام کو 5 ارب اور 10 کروڑ سے زائد رقم کی تقسیم کا عمل 17 اگست سے شروع کیا جائے گا جو کہ 31 اگست تک مکمل ہوجائے گا۔

وزارت مذہبی  امور کی جانب سے جاری کردہ پریس ریلیز کے مطابق وزیر مذہبی امور نے کہا کہ 34 ہزار 49 سرکاری حجاج (بشمول دو ہزار اضافی حج کوٹہ) کو رقوم کی واپسی کی اطلاع بذریعہ موبائل SMS کی جائے گی۔

وزیر مذہبی امور نے سرکاری حجاج کرام کو ہدایت کی ہے کہ مقررہ وقت کے اندر اپنے متعلقہ بینک سے رابطہ کریں۔

’بینک کے عملے کو موبائل میسج ، اصل شناختی کارڈ، اصل پاسپورٹ اور اصل بینک رسید دکھانا لازم ہو گا۔ نامزد بینک حجاج کرام کی رقوم کی واپسی ان کی سہولت کے مطابق بذریعہ بینک اکاونٹ، پے آرڈر یا نقد کی صورت میں ادا کرنے کے پابند ہیں۔‘

بیان کے مطابق مفتی عبدالشکور نے کہا کہ وزارت مذہبی امور نے مختصر وقت میں حج 2022 کے اعلیٰ انتظامات کو ممکن بنایا۔

ان کا کہنا تھا کہ رواں برس حج کی نمایاں خصوصیات میں اسلام آباد ایئرپورٹ سے 15000 سے زائد سرکاری حجاج کو  ’روٹ ٹو مکہ‘ کی سہولت، مکہ میں 10 سال کے بعد حرم کے قریب ترین رہائش گاہیں، تمام حجاج کو حرم ٹرانسپورٹ کی 24 گھنٹے بلا تعطل  فراہمی، مدینہ میں تمام حجاج کو مرکزیہ میں 4 اور 5 سٹار ہوٹلوں کی فراہمی شامل ہے۔

ان کا مزید کہنا تھا کہ منیٰ  کے مکاتب مجموعے کی شکل میں اور جمرات سے قریب  لیے۔

’میدانِ عرفات  میں پاکستانی مکاتب مسجد نمرہ اور جبل رحمت کے نزدیک اور مجموعے کی شکل میں حاصل کیے۔ حجاج کو قریبا 40 دن قیام کے دوران بہترین پاکستانی معیار کے تین وقت کھانے کی فراہمی کو یقینی بنایا گیا۔‘


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.