پاسپورٹ مل گیا، ویزہ اپلائی،مریم نوازجلد لندن جائیں گی،نواز شریف کے ساتھ واپس آنے کا امکان

image

مسلم لیگ ن  کی نائب صدر مریم نواز کی جلد لندن روانگی اور والد کے ہمراہ پاکستان آنے کا امکان ہے۔

ذرائع کے مطابق مریم نواز نے ویزہ کے لیے درخواست دے دی ہے، ویزہ ملتے ہی ان کی لندن روانگی کی تاریخ کا اعلان ہو گا،وہ چار سال بعد والد سے ملاقات کے لیے لندن جائیں گی۔

ذرائع کا کہنا ہے کہ  اس بات کا امکان ہے کہ سابق وزیراعظم بھی وطن واپس آئیں گے اور مریم نواز ان کے ہمراہ ہوں گی۔

خیال رہے کہ لاہور ہائیکورٹ نے گزشتہ روز مریم نواز کوپاسپورٹ واپس کرنے کا حکم دیا تھا،مریم نواز کے  وکیل امجد پرویز نے کہا تھا کہ مریم نواز کی اسلام آباد ہائیکورٹ سے میرٹ پر سزا معطل ہوئی اب وہ بری ہو گئی ہیں، عدالت سے استدعا ہے کہ عدالت ان کا پاسپورٹ واپس کرنے کا حکم دے۔

یہ بھی پڑھیں:

اس پر چیف جسٹس نے وفاقی حکومت کے وکیل سے استفسار کیا کہ وفاقی حکومت کا اس معاملے پر کیا موقف ہے؟ ڈپٹی اٹارنی جنرل نے کہا کہ ہمیں مریم نواز کی پاسپورٹ واپسی کی درخواست پر کوئی اعتراض نہیں ہے۔

مسلم لیگ ن کی نائب صدر مریم نواز نے اپنے آفیشل اکاونٹ سے ٹوئٹ کرتے ہوئے لکھا کہ میرا پاسپورٹ مجھے واپس کر دیا گیا ہے الحمدُللّہ، مگر پاسپورٹ اس کیس میں تین سال ضبط رہا جو کیس میرے خلاف کبھی بنا ہی نہیں؟

میرے جلسوں کے خوف سے فتنہ نے مجھے”تفتیش ” کے لیے تین ماہ نیب میں حبسِ بےجاہ اور کوٹ لکھپت جیل میں ڈیتھ سیل میں رکھا مگر کیس آج تک فائل نہیں ہوا۔

انہوں نے مزید کہا کہ ایک دن فتنہ کی ظلم اور انتقام پر مبنی سیاست کو مٹنا ہی تھا،  کیونکہ یہ قدرت کا اصول ہے مگر یہ فارن ایجنٹ آج بھی جھوٹ بولنے اور جعل سازی سے باز نہیں آیا۔ مکافاتِ عمل اور اس کا عبرت ناک انجام اس کے تعاقب میں ہے انشاءاللّہ۔

 


News Source   News Source Text

مزید خبریں
پاکستان کی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.