پاکستان کا حریت رہنما الطاف احمد شاہ کی بگڑتی ہوئی صحت پر اظہار تشویش، بھارتی ناظم الامور کی دفتر خارجہ طلبی

image

اسلام آباد: پاکستان نے حریت رہنما الطاف احمد شاہ کی بگڑتی ہوئی صحت پر بھارتی ناظم الامور کو دفتر خارجہ طلب کر کے شدید تشویش سے آگاہ کیا ہے۔

ہم نیوز کے مطابق بھارتی ناظم الامور کو دفتر خارجہ طب کر کے حریت رہنما الطاف احمد شاہ کی بگڑتی ہوئی صحت پر شدید تشویش سے آگاہ کیا گیا ہے۔

دفتر خارجہ کے ترجمان نے اس ضمن میں بتایا ہے کہ حریت رہنما الطاف احمد شاہ گزشتہ پانچ سال سے بدنام زمانہ تہاڑ جیل میں نظر بند ہیں، الطاف احمد شاہ کو مناسب طبی امداد فراہم کرنے میں بھارتی حکام کی ناکامی انتہائی مایوس کن تھی۔

ترجمان دفتر خارجہ کے مطابق بھارتی لاپرواہی کے نتیجے میں الطاف احمد شاہ کی حالت بگڑتی جا رہی ہے، الطاف احمد شاہ کے اہل خانہ کی جانب سے بھارتی وزیراعظم کو خطوط بھی لکھے گئے لیکن خطوط کے باوجود ان کی صحت کے حوالے سے کوئی کارروائی نہیں کی گئی۔

دفتر خارجہ کے ترجمان نے کڑی نکتہ چینی کرتے ہوئے کہا کہ بھارتی حکومت کی بے حسی یہ ہے کہ الطاف احمد شاہ ابھی تک اسپتال میں داخل نہیں ہوئے ہیں، ان کے خاندان کو ان سے ملنے کی اجازت نہیں دی جا رہی ہے۔

ترجمان کے مطابق الطاف احمد شاہ کو علی شاہ گیلانی کے داماد ہونے کی وجہ سے اذیت اور سزا دی جا رہی ہے۔

کشمیر: شبیر احمد شاہ کی جیل میں نظربندی کے 31 سال مکمل

ہم نیوز کے مطابق بھارتی ناظم الامور کو دفتر خارجہ طلب کر کے کہا گیا ہے کہ وہ بھارتی حکومت کو پاکستان کے مطالبے سے آگاہ کریں کہ الطاف احمد شاہ کو فوری طور پر طبی امداد فراہم کی جائے اور جیل سے رہا کیا جائے۔


News Source   News Source Text

مزید خبریں
عالمی خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.