bbc-new

خواتین ایشیا کپ: پاکستان کی انڈیا کے خلاف حیران کردینے والی جیت

پاکستان کی خواتین کرکٹ ٹیم نے سلہٹ میں جاری خواتین ایشیا کپ میں انڈیا کے خلاف تیرہ رنز سے یاد رکھی جانے والی جیت اپنے نام کرلی۔

ٹی ٹوئنٹی کرکٹ میں انہونی ہونی میں تبدیل ہوجائے تو کسی کو حیرت نہیں ہوتی کیونکہ یہ فارمیٹ ہی ایسا ہے جیسا کہ کسی نے بھی نہ سوچا تھا کہ پاکستانی خواتین کرکٹ ٹیم تھائی لینڈ جیسی ٹیم سے ہار جائے گی۔

اس شکست کے بعد تو یہ بات کون سوچ سکتا تھا کہ اسی ایشیا کپ میں اور وہ بھی اس شکست کے اگلے ہی روز پاکستانی خواتین کرکٹ ٹیم اپنے سے کہیں زیادہ مضبوط ٹیم انڈیا کو ہرانے میں کامیاب ہوجائے گی۔

لیکن جمعہ کے روز یہ انہونی بھی ہونی میں بدل گئی۔

کسی نے سچ ہی کہا ہے کہ مردوں کی طرح پاکستان کی خواتین کرکٹ ٹیم بھی کسی وقت بھی کچھ بھی کرسکتی ہے شائقین کو مایوس بھی اور حیران بھی۔

پاکستان کی خواتین کرکٹ ٹیم نے سلہٹ میں جاری خواتین ایشیا کپ میں انڈیا کے خلاف تیرہ رنز سے یاد رکھی جانے والی جیت اپنے نام کرلی۔

پاکستان کی اننگز کا احوال

پاکستانی ٹیم نے پہلے بیٹنگ کرتے ہوئے چھ وکٹوں پر137 رنز بنائے۔ 33رنز پر تین وکٹیں گرنے کے بعد ندا ڈار اور کپتان بسمہ معروف نے چوتھی وکٹ کے لیے قیمتی 76 رنز کا اضافہ کیا۔

بسمہ معروف 32رنز بناکر آؤٹ ہوئیں جبکہ ندا ڈار نے آؤٹ ہوئے بغیر 37 گیندوں پر 56 رنز کی ذمہ دارانہ اننگز کھیلی، جس میں پانچ چوکے اور ایک چھکا شامل تھا۔ یہ ان کی ٹی ٹوئنٹی انٹرنیشنل میں چھٹی نصف سنچری ہے۔

انڈین ٹیم کسی بھی موقع پر قدم نہ جماسکی اور وقفے وقفے سے گرنے والی وکٹوں نے اس کے لیے جیت کو دور کر دیا اور وہ 124رنز بناکر آؤٹ ہو گئی۔

پاکستان کی طرف سے نشرہ ساندھو نے تین وکٹیں حاصل کیں جبکہ ندا ڈار اور سعدیہ اقبال دو دو وکٹیں حاصل کرنے میں کامیاب رہیں۔

پاکستان کی خواتین کرکٹ ٹیم کی انڈین خواتین کرکٹ ٹیم کے خلاف تیرہ میچوں میں یہ محض تیسری کامیابی ہے۔

https://twitter.com/TheWiIdThing/status/1578335607470051328?s=20&t=YXUYIUgSeUUfU6DGFxT7KA

انڈیا کے خلاف پاکستان کی جیت کے سوشل میڈیا پر چرچے

پاکستان کی خواتین کی کرکٹ ٹیم کو مبارکباد دینے کے لیے سوشل میڈیا اور خاص طور پر ٹوئٹر پر تانتے بندھ گئے ہیں مگر اس بار پاکستان سمیت دنیا بھر کے کرکٹرز نے بھی اس کارکردگی کی تعریف کیے بغیر نہ رہ سکے۔

اب آپ ذرا آسٹریلیا کے فاسٹ باؤلر شان ٹیٹ کے ٹویٹ پر ہی ایک نظر دوڑاتے ہیں۔

آسٹریلین کرکٹر شان ٹیٹ نے اپنے ایک ٹویٹ میں انڈیا کے خلاف پاکستان کی خواتین کی کرکٹ ٹیم کو فتح پر مبارکباد دی ہے۔ انھوں نے کہا کہ چاہے لڑکوں کی ٹیم ہو یا لڑکیوں کی ٹیم آپ پاکستان کی کرکٹ سے متعلق کوئی پیش گوئی نہیں کر سکتے کیونکہ وہ اپنے دن پر دنیا کی کسی بھی ٹیم کو پچھاڑ سکتی ہیں۔

https://twitter.com/Gondal_hon/status/1578337288316387330?s=20&t=YXUYIUgSeUUfU6DGFxT7KA

شان ٹیٹ نے ٹیم کی کپتان عالیہ ریاض کو مبارکباد دیتے ہوئے کہا کہ وہ دباؤ جیسی صورتحال سے نمٹنا جانتی ہیں۔

عمران ظفر نامی صارف نے اسے ایک عظیم کامیابی قرار دیتے ہوئے کہا ’بڑی فتح مبارک ہو لڑکیو‘۔

زارا نامی صارف نے کہا کہ یہ انڈیا کے خلاف پاکستان کی ایک سال میں چوتھی فتح ہے اور پھر جشن کی اموجی بھی بنائی۔

https://twitter.com/itszaraH7/status/1578339897680703489?s=20&t=YXUYIUgSeUUfU6DGFxT7KA

انھوں نے اپنے ٹویٹ کے ساتھ ایک مختصر ویڈیو بھی شیئر کی جس میں کرکٹ پر تجزیہ کرتے ہوئے وسیم اکرم، وقار یونس، وہاب ریاض، مصباح الحق اور فخر عالم کو کمنٹری باکس میں اپنی نشستوں پر بیٹھے بیٹھے ہی جیت سے متعلق ایک گانے پر جشن مناتے ہوئے دیکھا جا سکتا ہے۔

پاکستان ویمن کرکٹ ٹیم کی سابق کپتان ثنا میر نے ٹوئٹر پر لکھا کہ انڈیا کے خلاف پاکستان کی ٹیم نے شاندار جذبہ دکھایا۔ انھوں نے صورتحال کے مطابق ٹیم سیلیکشن کو بھی بہت اہمیت کا حامل قرار دیا اور ندا ڈار کی بیٹنگ بھی دل کھول کر تعریف کی۔

https://twitter.com/mir_sana05/status/1578330768711254016?s=20&t=YXUYIUgSeUUfU6DGFxT7KA

ماہی نامی صارف نے اسے فخریہ لمحہ قرار دیتے ہوئے لکھا کہ جب لڑکے جیتے ہیں تو مسکراہیٹں لاتے ہیں اور جب لڑکیاں جیتتی ہیں تو آنسو نکل آتے ہیں۔

https://twitter.com/MarinaMI_24/status/1578337335472640001?s=20&t=YXUYIUgSeUUfU6DGFxT7KA

کرکٹ کمنٹیٹر ماریانہ اقبال نے پاکستان ٹیم کی کارکردگی کو سراہتے ہوئے ندا ڈار کی آل راؤنڈر پرفارمنس اور بسمہ معروف کیکپتانی کی داد دی۔


News Source   News Source Text

BBC
مزید خبریں
تازہ ترین خبریں
مزید خبریں

Meta Urdu News: This news section is a part of the largest Urdu News aggregator that provides access to over 15 leading sources of Urdu News and search facility of archived news since 2008.