Angrai Par Angrai Leti Hai Raat Judai Ki

Angrai Par Angrai Leti Hai Raat Judai Ki

tum kya samjho tum kya jaano baat meri tanhai ki

kaun siyahi ghol raha tha waqt ke bahte dariya mein

main ne aankh jhuki dekhi hai aaj kisi harjai ki

toot gae sayyal nagine phuT bahe rukhsaron par

dekho mera sath na dena baat hai ye ruswai ki

wasl ki raat na jaane kyun israr tha un ko jaane par

waqt se pahle doob gae taron ne baDi danai ki

urte urte aas ka panchhi dur ufuq mein doob gaya

rote rote baith gai aawaz kisi saudai ki