خدائی فوجداروں کا اثر اچھا نہیں لگتا
Poet: حیاء غزل By: Haya Ghazal, Karachiخدائی فوجداروں کا اثر اچھا نہیں لگتا
خدا کی ذات سے منکر بشر اچھا نہیں لگتا
ذرا ٹھہرو سنو معصوم سی ننھی سی فریادیں
جنھیں یہ خون میں ڈوبا نگر اچھا نہیں لگتا
زمین و آسماں کے درمیاں ہیں سسکیاں کتنی
دکھوں کے رنگ میں ڈوبا قمراچھا نہیں لگتا
چمن میں اڑتی پھرتں تھیں نہ جانے تتلیاں کتنی
بنا پھولو ں کے اب تنہا گزر اچھا نہیں لگتا
اٹھائے پھر رہے ہیں ڈگریاں جو اپنے کاندھوں پہ
انھیں اب مشکلوں کا یہ سفر اچھا نہیں لگتا
خزاں آنے سے پہلے آؤ اے کلیوں کے سوداگر
بہاریں بیت جائیں تو شجر اچھا نہیں لگتا
امنگوں کی شفق پر چھا گئ ہےوقت کی زردی
کوئی بھی فیصلہ اب معتبر اچھا نہیں لگتا
نئی پرواز کا نا حوصلہ چھینو پرندوں سے
نگاہیں پھیر لو تم کو اگر اچھا نہیں لگتا
Rate it: 
Views: 436
04 Apr, 2016
More Urdu Ghazals Poetry
زندگی نے میرا اصل حق ادا نہ کیا زندگی نے میرا اصل حق ادا نہ کیا
میرے سوجانے پر تو نے ملال نہ کیا..
میرے سوجانے پر تو نے ملال نہ کیا..
Muhammad Hamza Saeed Bhatti
زندگی جو تھی وہ بھی ہاتھ سے گئی زندگی جو تھی وہ بھی ہاتھ سے گئی
دکھ یہ ہے کہ وہ اصل حقدار سے گئی..
دکھ یہ ہے کہ وہ اصل حقدار سے گئی..
Muhammad Hamza Saeed Bhatti
