مسکن محبوب

ہرمعیارسے اعلیٰ معیارمیرے نبی کاہے
خودرب دوعالم حب دارمیرے نبی کاہے
بعدرب تعالیٰ کے مالک ہیں سب جہانوں کے
جسے چاہیں جنت دیں اختیارمیرے نبی کاہے
منظرفتح مکہ دیکھیے عام معافی کااعلان کیا
خلق عظیم سے مزیّن کردارمیرے نبی کاہے
علاج اس کاتمہارے پاس نہیں ہے کوئی
اے طبیبویہ مریض بیمارمیرے نبی کاہے
کھڑے ہیں مسجداقصیٰ میں انبیاء صفیں بنائے ہوئے
آدم تاعیسیٰ سب کوانتظارمیرے نبی کاہے
جی بھرکے گھوموحاجیومدینے کے بازارمیں
کوئی عام نہیں یہ بازارمیرے نبی کاہے
چاندہوادوٹکڑے پلٹ آیاسورج ڈوباہوا
ذرہ ذرہ کائنات فرماں بردارمیرے نبی کاہے
حج عمرہ زندگی میں قبرحشرمیں غلاموں کو
چاہت ہے جس کی دیدارمیرے نبی کاہے
فرمان مبارک ہے قرآن پاک میں رب کریم کا
اطاعت گزارمیرااطاعت گزارمیرے نبی کاہے
کھائی رب تعالیٰ نے مسکن محبوب کی قسم
پوری دنیاسے اعلیٰ دیارمیرے نبی کاہے
بھیجتارہے کثرت سے درودوسلام صدیقؔ جسے
مطلوب جنت میں قرب وجوارمیرے نبی کاہے