قمر بھی ساتھ ہوتا ہے تو تارے رقص کرتے ہیں
Poet: Sadaf Ghori By: Sadaf Ghori, Quettaقمر بھی ساتھ ہوتا ہے تو تارے رقص کرتے ہیں
کنواری شب کے آنچل پر ستارے رقص کرتے ہیں
وہ رنگوں میں سجی وادی تو چٹخیں پھر حسیں کلیاں
ندی بھی گنگنا اٹھی سو دھارے رقص کرتے ہیں
حسیں دلکش مناظر میں اچانک تیرا آ جانا
سریلے بول اور نغمے ہمارے رقص کرتے ہیں
تمہاری پیاری آنکھوں میں ، میں دیکھوں خود کو جب ہمدم
دل و جاں میں کئی ارماں ہمارے رقص کرتے ہیں
تمہاری یاد تڑپائے تو سارے اشک مل جل کر
مری آنکھوں کے ساحل پر بچارے رقص کرتے ہیں
میں شب بھر جاگتی رہتی ہوں تیری یاد میں ساتھی
مری تاریک راتوں میں ستارے رقص کرتے ہیں
چلو ہم بانٹ لیتے ہیں محبت کی یہ جاگیریں
اسی میں عشق کے سب استعارے رقص کرتے ہیں
صدف جب گنگناتی ہے کسی لے پر کوئی نغمہ
خزاں میں پھول کھلتے ہیں نظارے رقص کرتے ہیں
Rate it: 
Views: 518
24 Jan, 2014
More Urdu Ghazals Poetry
زندگی نے میرا اصل حق ادا نہ کیا زندگی نے میرا اصل حق ادا نہ کیا
میرے سوجانے پر تو نے ملال نہ کیا..
میرے سوجانے پر تو نے ملال نہ کیا..
Muhammad Hamza Saeed Bhatti
زندگی جو تھی وہ بھی ہاتھ سے گئی زندگی جو تھی وہ بھی ہاتھ سے گئی
دکھ یہ ہے کہ وہ اصل حقدار سے گئی..
دکھ یہ ہے کہ وہ اصل حقدار سے گئی..
Muhammad Hamza Saeed Bhatti
