آرزوئے شوق میں آنکھیں نہ بھگوتے

آرزوئے شوق میں آنکھیں نہ بھگوتے
اشکوں سے داغ الفت دن رات نہ دھوتے

راز وفا جو ہوتا چھپنے کے واسطے
رانجھا، فرہاد، مجنوں بدنام نہ ہوتے

ہیر، شیریں، لیلٰی کو رسوائیاں نہ ملتیں
عاشقوں کے چرچے سرعام نہ ہوتے

تنہائیاں نہ ملتیں، رسوائیاں نہ ملتیں
ہجر و وصل کے لئے دن شام نہ روتے

اپنے من کی دنیا خود میں تلاش کرتے
صحرا میں جنگلوں میں گمنام نہ ہوتے

وہ جن کی چاہتیں بھی گمنام رہ گئی ہیں
شوق جنون رکھتے تو ناکام نہ ہوتے

عظمٰی جو عشق کو بھی اپنا رہنما کرلے
پھر اہل خرد بھی کبھی ناکام نہ ہوتے