آیا تھا زندگی میں وہ آ کر چلا گیا

آیا تھا زندگی میں وہ آ کر چلا گیا
وہ شخص میرا آشیاں گرا کر چلا گیا

کہتا تھا خوشیاں بیچ کر خریدوں گا تیرے غم
غم عمر بھر کا زندگی کو لگا کر چلا گیا

کبھی وہ جو لکھتا تھا ہواؤں میں میرا نام
اب اپنے دل سے میرا نقش مٹا کر چلا گیا

دنیا کی رونقوں میں کبھی جو ہم سفر رہا
صحراؤں کے راستے پر مجھے لگا کر چلا گیا

لاتا تھا چمن سے چن کے میرے لیے وہ پُھول
اب کانٹے میرے راستے میں بچھا کر چلا گیا

وہ بیچ کر میری وفاؤں کو سر عام
غیروں میں اپنی قیمت بڑھا کر چلا گیا

اِس کے گھر میں دیا ہے چراغوں کو جگر کا خون
میری خوشیوں کے چراغ وہ بُجھا کر چلا گیا