اتنی اونچی بھی اب اڑان نہ بھر
Poet: Fazlul Hasan By: F.H.Siddiqui, Lucknow اتنی اونچی بھی اب اڑان نہ بھر
رکھ زمینی حقیقتوں پہ نظر
یونہی کب تک تکے گا راہ گزر
دور منزل ہے کر لے عزم سفر
ٹمٹماتا ہے زندگی کا چراغ
جلتا بجھتا رہے ہے شام و سحر
ختم ہونے لگی ہے بینا ئی
دور ہونے لگے ہیں نور نظر
مفلسوں کے چراغ جلنے دے
اے ہوا آندھیوں کے کان نہ بھر
جانے کس دم بلا وا آ جائے
اب حسن باندھ بھی لو رخت سفر
Rate it: 
Views: 637
09 Jul, 2011
More Sad Poetry
