اتنے چیخے مرے اعصاب کہ بس ، اب کے برس

میری قسمت میں سزاؤں کے سوا کچھ بھی نہیں
عشق کے ہونٹوں پہ آہوں کے سوا کچھ بھی نہیں

یہ ہوا کیسی چلی میرے وطن میں یارو
حزن اور ڈر کی فضاؤں کے سوا کچھ بھی نہیں

میں محبت بھرے نغما ت سناؤں کس کو
سہمے سہمے ہوئے چہروں کے سوا کچھ بھی نہیں

اتنے چیخے مرے اعصاب کہ بس ، اب کے برس
دشت میں میری صداؤں کے سوا کچھ بھی نہیں

سانس لینی بھی ہے دشوار چمن میں وشمہ
اس میں مسموم ک ہواؤں کے سوا کچھ بھی نہیں