انسانیت کو انسان کے سانچے میں ڈھالا

انسانیت کو انسان کے سانچے میں ڈھالا جائے
کسی لاش کا کفن نہ کہیں اُتارا جائے

کوئی ایسی صبح میسر ہو کسی دن
پرندہ کوئی غلیل سے نہ مارا جائے

آبرو سر بہ رو رہے شاہ کے کوچے میں
کسی بہن کا دوپٹہ نہ اُتارا جائے

تم ٹھہرے رہو اسی دائرے میں
کہ باہر قدم سے کہیں نہ خسارہ جائے

بام بام رسوائی ہے درپیش مجھے
سوچتا ہوں درد میں کسی کو نہ پکارا جائے

ابلیس جلتا رہے گا آتشِ جہنم میں
اس عوض کہ انسانیت کا کفّارہ جائے