اِک نعت لکھیں اور سُنا لیں مدینے میں

اِک نعت لکھیں اور سُنا لیں مدینے میں
ہم عید اس طرح سے منا لیں مدینے میں

سانسوں کا کیا پتہ کہ یہ آئیں نہ آئیں کل
آقا ﷺ ہمیں تو آج بُلا لیں مدینے میں

ہم چُوم لیں وہ در بھی وہ راہیں بھی دیکھ لیں
ہم دیپ چاہتوں کے جَلا لیں مدینے میں

آئے نظر جہاں سے یہ کعبہ بھی رات دن
چھوٹا سا ایک خیمہ لگا لیں مدینے میں

بیٹھے ہوئے ہیں ہم تو سبھی کام چھوڑ کر
جانے وہﷺ کب ہمیں بھی بُلا لیں مدینے میں