بات زباں سے کیا نکلے

بات زباں سے کیا نکلے اور چہرے کیا سمجھائیں یارو
کب تک جھوٹ یوں بولتے رہیے آؤ جدا ہو جائیں یارو

دیواروں پہ شیشے سجا کر خود کو ہر سو دیکھنا چاہو
پستی کا احساس ہے یہ بھی کس کس کو سمجھائیں یارو

چادر اوڑھو آگہی کی اور اپنے اندر جھانک کے دیکھو
ہم پاگل ہیں سودائی ہیں تم کو کیا سمجھائیں یارو

کیا کیا ساماں تم نے کئے ہیں کایا کےاس جال میں پھنس کے
دل کے شیشے بھی تو سنبھالو دیکھو ٹوٹ نہ یارو

خود بینی و خود آرائی چاٹ رہی ہے گھن کی مانند
ذات کے خول سے باہر نکلو تم کو لوگ بلائیں یارو

جی چاہے بے حس ہو جائیں آنکھیں اپنی اندھی کرلیں
کب تک سوچیں کب تک بولیں کب تک جان جلائیں یارو

وامق کو تو خون رلادے بے توقیری انساں کی
جیتی جانیں بھوکی ننگی مردے لوگ سجائیں یارو