بھول جاتا ہوں

انہیں خوش دیکھ کر دکھ درد اپنے بھول جاتا ہوں
میرے دل میں درد ہو میں پھر بھی مسکراتا ہوں

جو ان کے چہرے پہ اداسی کی پرچھائیں آجائے
تو میں ہر مسکان کو اپنے رخ دل سے ہٹاتا ہوں

ان کے چہرے کی مسکانیں میرے دکھ دور کرتی ہیں
میں اپنوں کی خوشی پا کر اپنا ہر غم بھول جاتا ہوں

مجھے جو یاد رکھنا ہے مجھے وہ یاد رہتا ہے
جو یاد نہیں رکھنا وہ سب کچھ بھول جاتا ہوں

عظمٰی ہمارا دوست ہم سے اکثر کہتا رہتا ہے
اک تیرے سوا میں سبھی کچھ بھول جاتا ہوں