ترا نصیب بنوں،تیری چاھتوں میں رھوں

ترا نصیب بنوں،تیری چاھتوں میں رھوں
تمام عمر محبت کی حفاظتوں میں رھوں

یہ زندگی کی حرارت ترے سبب سے ھے
میں لمحہ لمحہ جنوں کی تمازتوں میں رھوں

یہ اھتمام شب و روز ھو مری خاطر
ترے خیال کی رنگین خلوتوں میں رھوں

سنوارتی ھیں سدا جس کی چاھتیں مجھ کو
مری دعا ھے کہ میں اسکی حسرتوں میں رھوں

اے ابر وصل، برس اور کھل کے مجھ پہ برس
میں بھیگی بھیگی ھوا کی شرارتوں میں رھوں

شریک شوق سفر ھے اگر وہ میرا نازمین
کیوں نہ موسم گل کی بشارتوں میں رھوں۔