تیرے ہجر کے غم میں جو لطف و مزا ہے

تیری یاد ہے اور ہجرِ رواں ہے جاناں
نگاہِ شوق میں رِم جھم کا سماں ہے جاناں

مدت سے منتظر ہیں ہجر گزیدہ آنکھیں
کچھ تو خبر دے کہ تو کہاں ہے جاناں

اک لمحہ ہی کافی ہے ہم تِشنہ لبوں کو
بیتاب نگاہوں کا یہی ارماں ہے جاناں

اے کاش برس جائے تیرے وصل کا بادل
دلِ کی زمیں کب سے ویراں ہے جاناں

تیرے ہجر کے غم میں جو لطف و مزا ہے
اور کسی غم میں وہ بات کہاں ہے جاناں

ہرشب نئےکرب ہر روزامتحاں ہے جاناں
یہ زندگی ہےمیری کہ زنداں ہے جاناں

کوئی ہےکہ رضا جو، پابند ِسلاسل نہ ہو
اسیرِجاناں نہیں تو اسیرِدوراں ہے جاناں