جاں سر زمین پاک پہ قرباں کئے ہوئے

 کچھ کام الفتوں کے اسیرا ں کئے ہوئے
جاں سر زمین پاک پہ قربا ں کئے ہوئے

مانا چمن کو دے نہ سکے ہم بہار نو
لیکن گلوں کی زیست کا ساما ں کئے ہوئے

یہ اور بات کم نہ ہوئے فاصلے مگر
منزل کے راستوں کو تو آسا ں کئے ہوئے

ناکردہ جرم اور سزا دار و رسن کی
مصلوب منصفوں کو پشیماں کئے ہوئے

تیرے بدن کو ریشم و اطلس تو مل گیا
غم کیا جو اپنا چاک گریبا ں کئے ہوئے

مرجھا چکی تھی زیست کے صحرا میں جو کبھی
تازہ دلوں میں پھر وہی ایما ں کئے ہوئے

جو کام آسماں پہ فرشتے نہ کر سکے
وہ کام اس زمین پہ انسا ں کئے ہوئے

وشمہ خراب چشم عنایت نہ ہو سکی
یہ بھی تو اک لحاظ سے احسا ں کئے ہوئے