حق کو ناحق سے ملاتے کیوں ہو
Poet: UA By: UA, Lahoreحق کو ناحق سے ملاتے کیوں ہو
مجھ پہ الزام لگاتے کیوں ہو
جو تمہارا نہیں اسے آخر
جبر سے اپنا بناتے کیوں ہو
جن کی تعبیر نہیں پاسکتے
ایسے خوابوں کو سجاتے کیوں ہو
خوب سے خوب تر کی چاہت میں
جان کو روگ لگاتے کیوں ہو
اپنی تقدیر کے مالک ہو کر
اشک آنکھوں سے بہاتے کیوں ہو
جو مقدر ہے وہی ہونا ہے
تم اپنی جان جلاتے کیوں ہو
کوئی اہل ستم سے یہ پوچھے
ہمارے دل کو ستاتے کیوں ہو
کر کے احسان ہمارے دل پہ
پھر وہ احسان جتاتے کیوں ہو
اپنے آئینہ دل کو عظمٰی
روبرو سنگ کے لاتے کیوں ہو
Rate it: 
Views: 472
19 Oct, 2009
More Sad Poetry
