خامشی کو مری سو نام دئے لوگوں نے

نئے مطلب۔نئے آیام دئے لوگوں نے
خامشی کو مری سو نام دئے لوگوں نے

کتنے افسانے مری ذات سے منسوب کئے
ان کو من چاہے پھر انجام دئے لوگوں نے

ہم کو پاگل کہا ۔ مجنوں کہا ۔ دیوانہ کہا
عشق میں کیا نہ ہمیں نام دئے لوگوں نے

اپنی مرضی سے رہ زیست بھی طے کر نہ سکے
ہر قدم پر نئے احکام دئے لوگوں نے

بے وفا اس کو کہا ۔ پیار کو بدنام کیا
اور حوالے سبھی گم نام دئے لوگوں نے

تیری تصویر کو کیا زینت دیوار کیا
بت پرستی کے بھی الزام دئے لوگوں نے

پینا چاہا تو چھنے جام لبوں تک آ کر
چھوڑ دی مئے تو حسن جام دئے لوگوں نےخ